Preghiera a S. Agrippina

O invittissima vergine e martire, S. Agrippina, nostra unica e principali patrona, nui tutti vostri vassalli, umiliati a li vostri piedi, a nomu di tutti li nostri paisani vi ringraziamu pi quantu ci aviti amatu e beneficatu. E mentri senza nostri meriti vi cuntintastivu lassari Roma, vostra patria, e viniri in chista nostra città per pruteggerla e difenderla dall’insidie di lu nimicu nfernali ca tiniti ncatinatu sutta li piedi, sì vi ringraziamu e nillu stissu tempu vi priamu a cuntinuari a difenderi e guardari con occhi amurusi chista vostra città e suoi abitanti cull’impetrarci di lu vostru divinissimu Spusu, tutti li grazii spirituali e temporali ca aviemu di bisuognu. E specialmenti lu pirdunu a li peccaturi, la perseveranza a li giusti, la binidizione a li nostri campagni, la cunsulazione all’afflitti, la saluti a li malati e la pruvvidenza a li poveri; mentri nui vi prumittiemu di servirvi ed onorarvi comu nostra unica e principali patrona, imitandu li vostri virtù pi poi aviri la furtuna di gudirvi in paradisu in unione di Maria SS. e santi tutti e specialmente di Santa Eupresia e Santa Teonia ed autri nostri concittadini pi tutta l’eternità. Così sia.